АЭжБУ БАО-нда мұнай-газ және мұнай-химия салаларының мамандарына арналған үш курс аяқталды — сертификаттар табысталды

Алматы энергетика және байланыс университетінің (АЭжБУ) Біліктілікті арттыру орталығында үш білім беру бағдарламасы бойынша оқыту аяқталды. Курстардың қорытындысы бойынша тыңдаушыларға сертификаттар табысталды.

Оқытудан келесі ұйымдардың өкілдері өтті:

• Karachaganak Petroleum Operating B.V. — «Күштік трансформаторларды, генераторларды және кабельдерді диагностикалау» курсы. Тренерлер: Курпенов Бахыт Касимович, Амирбеков Булат Бекмухамбетович;

• NCOC N.V. (Норт Каспиан Оперейтинг Компани Н.В.) — «Кепілді және үздіксіз электр қорек жүйелері» курсы. Тренер: Кузьмин Юрий Владимирович;

• «KZPetrochemical Industries Inc.» ЖШС — «Өнеркәсіптік қауіпсіздік» курсы. Тренерлер: Бегимбетова Айнур Серикбаевна, Жандаулетова Фарида Рустембековна.

Бағдарламалар кәсіпорындардың инженерлік-техникалық персоналының электр жабдығын диагностикалау, сенімді электр қорегін қамтамасыз ету және өнеркәсіптік қауіпсіздік саласындағы біліктілігін арттыруға бағытталды.