АЭжБУ БАО-нда үш курс аяқталды — тыңдаушыларға сертификаттар табысталды

Алматы энергетика және байланыс университетінің (АЭжБУ) Біліктілікті арттыру орталығында үш білім беру бағдарламасы бойынша оқыту аяқталды. Курстардың қорытындысы бойынша қатысушыларға сертификаттар табысталды.

Оқытудан келесі ұйымдардың өкілдері өтті:

• «АлЭС» АҚ — «ЖЭО бу-газ қондырғыларын пайдалану» курсы;

• «Казахтелеком» АҚ — «OptiX OSN 1800/3800/6800/8800/9800 (Huawei) жабдығы» курсы;

• «Интергаз Орталық Азия» АҚ — «Жылу және электр энергиясын өндіру жүйелеріндегі энергоменеджмент» курсы.

Бағдарламалар энергетика және телекоммуникация салаларының мамандарының энергетикалық жабдықты пайдалану, заманауи оптикалық транспорттық жүйелер және энергоменеджмент саласындағы біліктілігін арттыруға бағытталды.