АЭжБУ БАО-нда үш курс аяқталды — тыңдаушыларға сертификаттар табысталды

Алматы энергетика және байланыс университетінің (АЭжБУ) Біліктілікті арттыру орталығында үш білім беру бағдарламасы бойынша оқыту аяқталды. Курстардың қорытындысы бойынша тыңдаушыларға сертификаттар табысталды.

Тыңдаушылар келесі курстардан өтті:

• «ҚР энергетикалық кәсіпорындарындағы электр энергиясын диспетчерлеу»;

• «Электр энергиясының коммерциялық есебінің автоматтандырылған жүйелері (АСКУЭ)»;

• «Электр станциялары мен қосалқы станцияларының БӨА шебері».

Бағдарламалар энергетика саласы мамандарының диспетчерлік басқару, электр энергиясының коммерциялық есебі, сондай-ақ электр станциялары мен қосалқы станцияларында бақылау-өлшеу аспаптары мен автоматиканы пайдалану саласындағы біліктілігін арттыруға бағытталды.