«Оптикалық тракттағы өлшеу әдістері мен құралдары, оптикалық талшықты дәнекерлеу» курсы аяқталды

Алматы энергетика және байланыс университетінің Біліктілікті арттыру орталығында «Оптикалық тракттағы өлшеу әдістері мен құралдары, оптикалық талшықты дәнекерлеу» курсы бойынша оқу сәтті аяқталды.

Курс бағдарламасы талшықты-оптикалық байланыс желілері мен заманауи телекоммуникациялық технологиялар саласындағы мамандардың кәсіби білімі мен практикалық дағдыларын жетілдіруге бағытталды.

Оқу барысында тыңдаушылар оптикалық тракттағы өлшеу әдістерімен, талшықты-оптикалық байланыс желілерін пайдалану ерекшеліктерімен және оптикалық талшықты дәнекерлеудің заманауи технологияларымен танысты.

Практикалық дайындыққа ерекше көңіл бөлінді. Қатысушылар практикалық жұмыстарды орындап, өлшеу жабдықтарын қолдану және оптикалық талшықты дәнекерлеу бойынша алған білімдері мен дағдыларын нығайтты.

Оқу қорытындысы бойынша тыңдаушыларға курсты аяқтағаны туралы сертификаттар табысталды. Мұндай білім беру бағдарламалары заманауи телекоммуникациялар саласындағы мамандардың кәсіби құзыреттерін дамытуға ықпал етеді.