ЖЭО жылу-күштік жабдығының бақылау-өлшеу аспаптары мен автоматтандыру жүйелерін пайдалану курсы басталды

Алматы энергетика және байланыс университетінің (ЭБУ) Біліктілікті арттыру орталығында «ЖЭО және қазандық қондырғыларының жылу-күштік жабдығының бақылау-өлшеу аспаптары мен автоматтандыру жүйелерін пайдалану» курсы бойынша сабақтар басталды.

Оқытудан «СевКазЭнерго» АҚ мамандары өтуде. Бағдарлама жылу электр орталықтары мен қазандық қондырғыларының жылу-күштік жабдығының бақылау-өлшеу аспаптарын (БӨА) және автоматтандыру жүйелерін пайдалану саласындағы инженерлік-техникалық персоналдың біліктілігін арттыруға бағытталған, бұл энергетикалық жабдықтың сенімділігі мен қауіпсіздігін арттыруға ықпал етеді.