АЭжБУ Біліктілікті арттыру орталығында энергетиктерге арналған үш курс аяқталды — қатысушыларға сертификаттар табысталды

Алматы энергетика және байланыс университетінің (АЭжБУ) Біліктілікті арттыру орталығында энергетика саласының мамандарына арналған үш білім беру бағдарламасы бойынша сабақтар аяқталды. Оқыту қорытындысы бойынша тыңдаушыларға сертификаттар табысталды.

Оқытудан келесі ұйымдардың өкілдері өтті:

• «СевКазЭнерго» АҚ — «ЖЭО және қазандық қондырғыларының жылу-күштік жабдығының бақылау-өлшеу аспаптары мен автоматтандыру жүйелерін пайдалану» курсы;

• «Тенгизшевройл» ЖШС үшін «РТГ Тилмаш Казахстан» ЖШС — «Жедел ауыстырып қосулардың ерекшеліктері» курсы;

• «АлЭС» АҚ (Алматы электр станциялары) үшін «Samruk Business Academy» ЖМ — «Электр станцияларының жедел персоналының функциялары» курсы.

Бағдарламалар Қазақстанның энергетика секторы кәсіпорындарының инженерлік-техникалық және жедел персоналының біліктілігін арттыруға бағытталды және энергетикалық жабдықты пайдалану, автоматтандыру және қауіпсіз жұмыс істеу мәселелерін қамтыды.